Thursday, January 19, 2017

မှုံ 5နှစ် ၁၀ လ အမှတ်တရ

ဒီနေ့ ချစ်သမီးလေး.. ၅ နှစ်နဲ့ ၁၀ လ ရှိပါပြီ။ လိမ္မာတဲ့အခါလိမ္မာ၊ ဆိုးတဲ့အခါဆိုး ၊ သိတတ်ရင်လဲ သူပဲ ၊ မသိတတ်ရင်လဲ သူ့အပြင်မရှိတဲ့ သူလိုကိုယ်လို သာမန် ကလေးမလေး..။ မောင်မောင်လေးကိုတော့ သိပ်ချစ်ရှာတယ်။ မောင်မောင် ဆိုးတာတွေကို သည်းခံတယ်။ တခါတလေလဲ သူက မောင်လေးကို မသိမသာ ညစ်တာရှိတယ်။ ဒါကလဲ ကြီးကြီး Gwan ခြေရာ မသိမသာလေး နင်းတာဆိုတော့လဲ ရှိပါစေပေါ့လေ..ဟီဟိ ။ သူ လိုချင်တာတွေနည်းတယ်..။ 2015 နိုဝင်ဘာက ဝယ်ထားတဲ့ ဖိနပ် အခုထိ စီးနေတုံးပဲ ..။ ဖိနပ်ဟောင်းနေလို့ အသစ်ဝယ်ပေးမယ်ပြောရင် အကောင်းကြီးရှိသေးတယ်.. မလိုချင်သေးဘူးတဲ့ ။ ပုံဆွဲခဲတံ ၊ ကျောပိုးအိတ် ၊ ဦးထုတ် စသဖြင့် သုံးနေတဲ့ပစ္စည်း မကုန်သေး မပျက်စီးသေးရင် အသစ်မပူဆာဘူး.. ဝယ်ပေးမယ်ဆိုရင်လဲ မယူဘူးတဲ့ ပြောတယ်။ အကျီအဝတ်အစားလဲ ထိုနည်းလည်းကောင်းပဲ ..။ အမေလုပ်သူက uniqlo မှာ ဈေးချတာလေးတွေ့ရင် ဝယ်ဝယ်လာလို့ သူ ထည်လဲ ဝတ်ရတယ်။ သူ့ကို ဝယ်ပေးရမလား တိုင်ပင်ရင် မလိုချင်ဘူးပဲ ။ တခါတလေ အရုပ်တွေ ဆက်တိုက်ပူဆာတတ်တာလေးတော့ရှိတယ်။ မေမေပြောထားတဲ့စကားတွေကို မှတ်ထားပြီး မေမေ့ကို ပြန်ဆုံးမတတ်တယ် ။ တလောက ကာတွန်းဖတ်ပြတာ ကာတွန်းထဲမှာ ကိုယ့်လောက်အသိဥာဏ်မရှိတဲ့လူကို ပြန်မလုပ်ရဘူး.. သူနားမလည်လို့လုပ်တာ ခွင့်လွှတ်ရမယ်ဆိုတဲ့ message လေးပေးတယ်။ သမီးကိုလဲ မောင်လေး တခါတလေ သမီးကိုလုပ်နေတာတွေက သူနားမလည်လို့ လုပ်နေတာမို့လို့ မအော်နဲ့ ခွင့်လွှတ်လိုက်ပါ လို့ ပြောမိတယ် ။ နောက် ၄-၅ ရက်ကြာတော့ မောင်မောင်က မတ်တပ်ရပ်နေတဲ့ အမေ့ထမီကို ဆွဲချနေလို့ .." ဟေ့ကောင်.. မင်းမနက်ကလဲ အမေ့ထမီကို ဆွဲချတယ် .. ကံကောင်းလို့ အရှက်မကွဲတယ်.." ဘာညာနဲ့ မလုပ်ဖို့ မောင်မောင့်ကို ခပ်တည်တည်ပြောလိုက်တော့ .. မယ်မှုံက .." မောင်လေးက မေမေ့လောက် အသိဥာဏ်မရှိသေးဘူးလေ.. ခွင့်လွှတ်လိုက်ပါ"တဲ့ ...။ အိမ်း... ကျန်ခဲ့တဲ့တပတ်လောက်ကသူ့ဆုံးမထားတဲ့ စကားကို မှတ်ထားပြီး နေရာတကျ အသုံးချနေတော့ သူ့ဆုံးမထားရင် ကိုယ်ပါ ဆင်ခြင်နေရတယ်။ မေမေ့ကို အင်္ဂလိပ်စာလုံး တခုခုပြောပြီး အဲဒါ မြန်မာလိုဘာလဲလို့မေးတတ်တယ်။ မေမေက စဉ်းစားပြီး ပြန်ပြောရင် .. ဒီလိုပြောရမယ်လို့ မေမေ့ကိုပြန်သင်တတ်တယ် .. မှတ်မိနေတာက ဟိုတနေ့က " မေမေ .. Good Idea ဆိုတာ ဘာလဲ" တဲ့ ..။ မေမေပြန်ဖြေတဲ့ အဖြေကို သူမကြိုက်ဘူး.. " Good Idea ဆိုတာ ဟုတ်ပြီ ..ဟုတ်ပြီ လို့ ပြောတာ...မေမေမှတ်ထားနော်" တဲ့... ၊ အမေလုပ်သူ သဘောတွေကျတာများ ဘာပြောကောင်းမလဲ ။ လောလောဆယ်တော့ သမီးကို မြန်မာစာသေချာသင်နေတယ်။ အစကတည်းက မြန်မာလိုလေး အနည်းဆုံးရေးတတ် ဖတ်တတ်စေချင်တယ်၊ ၊ မြန်မာလိုရေးတဲ့ စာလေး ကဗျာလေး ခံစားတတ်စေချင်တယ်၊ ပြီးတော့ အခြေအနေဆိုတာ ဘာမှကြိုတွက်ထားလို့မရလို့ ကိုယ်ဒီမှာ မနေဖြစ်လို့ မြန်မာပြည်ပြန်မယ်ဆိုရင် မြန်မာကျောင်းတက်ဖို့ မြန်မာစာတတ်မှ ဖြစ်မယ်လို့ ကလေးတို့ အဖေက ပြောတာရယ်ကြောင့် မပျက်မကွက် သင်နေရာကနေ ... စင်ကာပူကျောင်း Primary 1 ကျောင်းဝင်ခွင့်တွေက ရှေ့ ၂ နှစ်အခြေအနေအရ သိပ်မလွယ်တော့ မြန်မာပြည်မှာ ကျောင်းပြန်ထားရဖို့လမ်းက ပိုများတော့ သေသေချာချာဆက်သင်ဖြစ်တယ်။ သင်တယ်ဆိုတာလဲ ကျောင်းဖတ်စာအုပ်ထက် ကာတွန်းဖတ်ပြ၊ စာနည်းနည်းပဲပါတဲ့ ပုံပြင်စာအုပ်လေးတွေ ဖတ်ခိုင်း၊ စာရေးပျင်းတဲ့သမီးကို ပုံတဖက် ကဗျာတိုလေးတဖက်ပါတဲ့ စာအုပ်လေးနဲ့ ဆွဲဆောင် ပုံဆွဲခိုင်း အရောင်ခြယ်ခိုင်း..စာလေး နည်းနည်းချင်းရေးခိုင်းရတယ်။ ကံကောင်းတာက သမီးက မြန်မာကာတွန်းတွေ ပုံပြင်တွေကို အတော်စိတ်ဝင်စားတယ်။ အိမ်မှာဝယ်ထားတဲ့ ရွှေသွေးပေါင်းချုပ် ၃ အုပ်က သူ့အသည်းစွဲပဲ ။ ဦးသန်းကြွယ်ကာတွန်း ၂ အုပ်၊ ဦးမောင်စိန် တအုပ်မှာ ဦးသန်းကြွယ်ကို သူပိုသဘောကျတယ် ။ ညအိပ်ရာဝင်ကာနီးတိုင်း ရွှေသွေး ၃ ပုဒ် ဖတ်ပြရတယ် ။ နေ့လည်ဖက် မေမေ ဖတ်မပြနိုင်ရင် သူ့ဘာသာသူ တယောက်တည်း အသံထွက်ပြီး လေးလေးပင်ပင် ထိုင်ဖတ်နေတတ်တယ်။ စာမချောသေးဘူး.. တချို့အဓိပ္ပါယ်တွေ သူနားမလည်သေးဘူး။ K1 ကျောင်းပိတ်ရက် တိုပါးရိုးမှာ ယဉ်ကျေးလိမ္မာသင်တန်း ဖွင့်တာ တပတ် ၆ ရက်မို့ အမြဲမပို့နိုင်ပေမယ့် တဝက်စာလောက် သွားပို့ထားဖြစ်လိုက်တာလဲ အတော်ကံကောင်းသွားတယ်။ သမီး ဘုရားရှိခိုး အဲဒီကနေ အလွတ်ရသွားတယ်..။ အိမ်မှာက ငယ်ငယ်က မေမေသင်တာ နမောတဿ လောက်ပဲ တတ်တာ။ ကံငါးပါးတွေ ဘာတွေလဲ မြန်မာလိုသိသွားတယ်..။ သိသွားတော့ မေမေ ဆင်ခြင်ရတော့တယ်..။ မေမေ အဲလိုမလုပ်နဲ့ ( လက်ဖဝါး ၂ ဖက်ကို ဖျန်းဆို မြည်အောင် ရိုက်ပြလျှက် ) ၊ ဒီလိုပဲ လုပ်ပါ( လက်ကို ယမ်းပြလျှက်) တဲ့ ။ ခြင် ၊ ယင်၊ ဖြုတ်တွေကို မရိုက်ပါနဲ့ .. ။ လက်နဲ့ ယမ်းပြီး ခြောက်ထုတ်ပါ ပေါ့လေ...။ အေးပါကွာ... >.< ဗုဒ္ဓဝင်ကို ပြောပြခိုင်းတယ်..။ အိမ်မှာ ဗုဒ္ဓဝင်ကာတွန်း ၂ အုပ်တွဲရှိတာ အသေးစိတ်လွန်းလို့ သူ စိတ်မဝင်စားဘူး..။ မြန်မာပြည် ဓမ္မစကူးက စာအုပ်ရထားတာ..အဲဒီထဲက ကလေးတွေအတွက် အတိုချုပ် နားလည်အောင်ရေးထားတာလေးတော့ သူကြိုက်တယ် ။ ဘုရားက ဘယ်သူလဲ မြင်ဖူးချင်တယ်ဆိုလို့ ဘုန်းကြီးကျောင်းမှာ တို့တွေနေ့တိုင်းရှိခိုးနေတဲ့ အရုပ်ကြီးက ဘုရားရဲ့ ပုံကို ထုထားတာလို့ ပြောထားတယ်။ သြော် Giant ဘုန်းဘုန်း လားတဲ့ ။ သူမေးချင်တာ ဘုန်းကြီး အကြီးကြီးလား ပေါ့ ။ အပြင်က သူမြင်ဖူးတဲ့ ဘုန်းဘုန်းတွေနဲ့ သင်္ကန်းရုံတဲ့ပုံစံတူပြီး အကြီးကြီးဖြစ်နေလို့ ။ သူမေးတာလောက်ပဲ ပြောပြီး ကိုယ့်ဘာသာရှည်ကြောဘာမှ မရှင်းပြရဲသေးဘူး.. ကိုယ်လဲ သေချာမသိလို့.. ပြန်ဖတ်ရဦးမှာမို့လို့ .. ဟီး ။ ယဉ်ကျေးလိမ္မာတက်နေတဲ့အချိန်က တရက်မှာ ည အိပ်ကာနီး မေမေ ဘုရားရှိခိုးကြမယ် လို့ဆိုတယ် ။ ဘာဖြစ်လို့လဲ ဆိုတော့ ဘုန်းဘုန်းက ဘုရားမရှိခိုးပဲ အိပ်တဲ့လူဟာ တိရစ္ဆာန်အိပ်ခြင်းနဲ့ တူတယ်လို့ ပြောလိုက်လို့တဲ့ ။ ဖေဖေနဲ့ မေမေလဲ တိရိစ္ဆာန်အိပ်ခြင်းနဲ့ တူနေမယ်ဆိုပြီး ဘုရားရှိခိုးရအောင်ခေါ်တယ်..။ အဲဒီညက စ ပြီး သမီးလေး ကျေးဇူးနဲ့ ဖေဖေ၊ မေမေ နဲ့ သမီး ည အိပ်ကာနီးတိုင်း သံပြိုင် ဘုရားရှိခိုးဖြစ်တယ် ( အရင်က တခါမှ ဘုရားမရှိခိုးဖြစ်တဲ့ မေမေပါ ) ။ မောင်မောင်က ရှေ့တည့်တည့်က ထိုင်ကြည့်ပြီး သူရသလောက် ကပေါက်တိကပေါက်ချာ လိုက်ဆိုတယ် ၊ ည တိုင်းကြားပါများတော့ မောင်မောင်လဲ အတော်ရနေပြီ ။ သမီးလေးက အဓိပ္ပါယ် လုံးစေ့ ပတ်စေ့ နားမလည်သေးလို့ ကုသိုလ်ရ မရ မသိပေမယ့် ညစဉ် Family Bonding Time လေးတခုဖြစ်သွားလို့ သိပ်အဖိုးတန်တယ်လို့ ထင်မိတယ်။ သမီးအကြောင်းတွေ မရေးတာကြာလို့ အမှတ်တရ ရေးထားတာ ။ #မှုံ

1 comment:

နောင်ဂျိန် said...

မှုံတောင် ၅နှစ်ရှိသွားပီနော်..။
အချိန်ကုန်မြန်လိုက်တာ