သမီး ၁၁ လမှာ....

သမီးလေး........ ၁၁ လ သမီးမှာ

-အောက်သွားလေး ၂ ချောင်း ရှည်လာပြီ။ ညာဘက် အပေါ်သွားလေး စ ထွက်လာပြီ။

-အကူမပါပဲ မိနစ်ဝက်လောက် ရပ်နိုင်ပြီ။ မေမေက ရပ်နိုင်ပေ့.. ရပ်နိုင်ပေ့ လို့ လက်ခုတ်တီး ညာသံပေးရင် သမီး သိပ်သဘောကျတယ်။ ပြုံးပြုံးကြီးနဲ့ တုန်တုန် တုန်တုန် ရပ်နေတော့တာ။

- သမီးက နှိပ်ရင် အသံမြည်တဲ့ပစ္စည်းကို သိပ်သဘောကျတယ်။ အဲကွန်းရီမုဒ်ကို သမီး နှိပ်လွန်းလို့ တိုင်မာတွေ အမေတို့ ပြန်တောင် မပြောင်းတတ်တော့ဘူး.... ညဘက် အိပ်ပျော်နေရင်း သမီးလျှောက်နှိပ်ထားတဲ့ တိုင်မာကြောင့် အဲကွန်း ပိတ် ပိတ်သွားလို့ ချွေး တလုံးလုံးနဲ့ လန့်နိုးရပေါင်းများပြီ။

- အဖေနဲ့ အမေ့ ဟန်းဖုန်း၊ အိမ်ဖုန်း (ကြိုးမဲ့) တွေကို သမီးလျှောက်နှိပ်ပြီး နောက်ဆုံး ဖုန်းစကားပြောထားတဲ့လူတို့ ၊content list ထဲက အပေါ်ဆုံးနာမည်တို့ ကို ဖုန်းခေါ်မိတာ အကြိမ်ကြိမ်.. တောင်းပန်ရပေါင်း၊ ရှင်းပြရပေါင်းများလှပြီ။


- သမီးကို စကား မာမာပြောလိုက်ရင် သမီးသိတယ်။ "ဟင်း..ဟင်း" နဲ့ ပြန်မာန်တယ်။ လက်၂ ဘက်ကို အချင်းချင်း ဆုပ်ထားပြီး ဆောင့်ကြီး အောင့်ကြီး လုပ်ပြတယ်။

- သမီး ကိုက်လိုက်၊ ကုတ်လိုက်လို့ မေမေစိတ်ဆိုးချင်ယောင်ဆောင်ပြီး မျက်နှာတည်တည်နဲ့ ဟိုဘက်လှည့် မျက်နှာဖွက်ထားရင် သမီးက လေးဘက်ထောက်ပြေးလာပြီး အမေ့မျက်နှာကို အတင်းလိုက်ကြည့်၊ အတင်းကို လိုက်ရယ်ပြတတ်တာ။ တခါတလေတော့ အနားရောက်မှ အလစ် နောက်တစ်ချက် ထပ်ကုတ်ချင် ကုတ်သွားသေးတာ......၊

- အိမ်မှာ ဖုန်းသံမြည်ရင် သမီး အရင်ဆုံးကြားတယ်။ "အဲ..အဲ" နဲ့  အနားက လူကို ဖုန်းသွား မကိုင်မချင်း ပြောနေတော့တာ။

-သမီးရဲ့ တိုးတက်မှုထဲမှာ အသိသာဆုံးကတော့ ရှေ့က တစ်ယောက်ယောက်လုပ်သမျှ သမီးက နောက်က လိုက်လုပ်တော့တာပဲ။
ဖေဖေ နှာစေးတုံးက သမီးလေးကလည်း တစ်ရှုးနဲ့ နှာခေါင်းကို တို့တယ်။
သမီး အခင်းပေါ်မှာ ပုရွက်ဆိတ်သွားတာမြင်လို့ မေမေက လက်ဝါးနဲ့ ရိုက်လိုက်ရင် သမီးကလည်း လိုက်ရိုက်တယ်။
တွေ့သမျှ ပစ္စည်းကို နားနားကပ်ပြီး ဖုန်းပြောသလိုလုပ်တယ်။ 

- ဗူးတွေကို အဖုံး ဖွင့်လိုက်၊ ပိတ်လိုက် အခါခါလုပ်တယ်။ မေမေက ချီးကျူးလိုက်ရင် ပြုံးပြုံးကြီးနဲ့ မပြီးနိုင် မစီးနိုင် ဖွင့်/ပိတ်နေတော့တာ။

- သမီးလေးက ခိုင်းတတ်ပြီ၊ လူကြီးရဲ့ လက်ကို ကိုင်ပြီး သူလုပ်စေချင်တဲ့ဆီ ဆွဲသွားတယ်။ 
ဥပမာ .. ဖုန်းထဲက ကလေးသီချင်း ဗီဒီယို ပြီးသွားရင် ပြန်ဖွင့်ခိုင်းတယ်၊ မီးခလုတ် ဖွင့်ခိုင်း၊ ပိတ်ခိုင်းတယ်။ သမီး မဖွင့်တတ်တဲ့ဗူးကို ဖွင့်ခိုင်းတယ်။

- မေမေ ဝမ်းအသာရဆုံးကတော့ သမီးလေး ထမင်းနည်းနည်း စ စားပြီ။

-သမီးလေး အငြိမ်မနေလွန်း၊ လှုပ်ရှားလွန်း၊ ဆော့ကစားလွန်းတာကတော့ အရင်ကတည်းက မို့ မေမေ မနားတမ်း လိုက်ဆွဲရ၊လွဲရတာတွေကို တိုးတက်မှုထဲ မထည့်တော့ပါဘူး သမီးရယ်........ ဟောဟဲ...ဟောဟဲ..... 

ဒီစာရေးနေရင်း သမီးဖေဖေကို "ဒီလပိုင်းသမီး ဘာတွေတိုးတက်သေးလဲ"လို့ လှည့်မေးလိုက်တော့
"သမီးကတော့ အကုန်ကို လုပ်တတ်နေတာ၊ အကုန် နားလည်နေတာပဲ"  တဲ့.....
((ဟမ်..... ဒီငါးချဉ် တော်တော်ချဉ်ပါလား...))
"ပါပါ လို့ခေါ်တတ်ပြီ" တဲ့။
" အဲဒါ .. သူ့ဘာသာသူ ပါး..ပါးးး နဲ့ အော်နေတာ မဟုတ်ဘူးလား  " လို့ မေးလိုက်တော့  ပိန်းလိုက်တာ ဆိုတဲ့ အကြည့်နဲ့ မျက်မှန်ပေါ်က ကျော်ကြည့်ပြီး
" ဖေဖေ လို့ ခေါ်ခိုင်းရင် ပါပါး လို့ ပြောတယ်လေ၊ အဲဒါ အဖေကို ခေါ်နေတာပေါ့ "  တဲ့......
(( ဂဠုန်လား.....  မှတ်ထားပါ့မယ် ...)) စိတ်ထဲမှ ကျိတ်ပြုံး..



သမီး ၁၁ လ ပြည့်တဲ့ ၁၈-၃-၂၀၁၂ ညကတည်းက စရေးနေတာ.. ခုထိ မပြီးသေး...