မှုံ

တနေ့က သမီးတယောက်ထဲကစားနေတာ မသိမသာ နားထောင်ကြည့်တော့..
"နင်လာတာနောက်ကျလိုက်တာ.. "၊ "Peppa က ဒီနောက်မှာရပ်.. " ၊ "ကဲ စ ကြစို့ .. " စသဖြင့် ဘိုလိုတွေ တရစပ်မှုတ်နေတာ အမေလုပ်သူအံ့သြသွားတယ်။ သမီးဘာလုပ်တမ်းဆော့နေလဲ မေးကြည့်တော့ Jerry ( Tom & Jerry ထဲက သူ့ အကြိုက် Jerry ) ကို မွေးနေ့လုပ်ပေးနေတာတဲ့.. ကိုယ်အနားရှိနေရင် သူဆော့တာ တန့်သွားတာနဲ့ ရှောင်ပေးလိုက်တယ်။
အမေလုပ်သူအံ့သြသွားတယ် .. ဆိုတော့ ဘာအံ့သြစရာရှိလဲ ...သမီးအရွယ် တခြားကလေးတွေ.. သမီးသူငယ်ချင်းတွေဆို မြန်မာလိုလဲ ခြေခြေငံငံ ၊ဘိုလိုတွေလဲ မှုတ်လိုက်တာ တရွှတ်ရွှတ်နဲ့ ... ။ သမီးကသာ ကြောက်တတ်တာရယ်..မပြောတတ်တာရယ် ၊သူများ ပြောတာကို နားမလည်တာရယ် နဲ့ မပြောတာ..။ ခုနှစ်ကျောင်းစတက်တော့ သူအရမ်းခင်တဲ့ သူငယ်ချင်းနဲ့ အတူတူကစားရင်း အီးလို မရဲတရဲ စပြောလာတာ သတိထားမိလာတယ်။ အခုတော့ တိုးတက်လာတဲ့ သဘောပဲ ...။ ကျောင်းကပြန်လာရင် သူ့ဆရာမ ပြောလိုက်တဲ့ စကားတခုခုကို မှတ်လာပြီး မြန်မာလို ဘာပြောတာလဲ မေမေလို့ အိမ်မှာ ပြန်မေးတတ်လာတာလဲ ဒီစာသင်နှစ်ထဲပဲ ။
(ကြုံလို့ ရယ်စရာပြောရဦးမယ်.. မနှစ်လောက်ကဆို ၃ -၄ ခါ တွေ့ဖူးတယ်။ မှုံနဲ့ မောင်မောင် ကစားကွင်းမှာ အတူတူဆော့နေကြရင်း တခြားကလေးကြီး တယောက်ယောက်က မောင်မောင့်ကို လာ စ တာ ၊ မောင်မောင့်အရုပ်ကို စနောက် ပြီး ကိုင်တာ တွေ့ရင် မှုံမှုံက အဲဒီကလေးကို ရန်ပြန်စွာတာပဲ ..။ ဘိုလိုတော့ ပြောတယ် .. ဘာပြောနေမှန်း အမေလုပ်သူလဲ နားမလည်ဘူး.. မှုံကိုယ်တိုင်လဲ နားလည်မယ်မထင်ဘူး :D ။ လာစ တဲ့ ကလေးလဲ မှုံ့စကားကိုနားလည်ပုံမရဘူး..ဒါပေမဲ့ သူ့မျက်နှာထိ မျက်နှာထားကိုကြည့်ပြီး အသာနောက်ဆုတ်သွားတော့ အမေလုပ်သူမှာ ရယ်လိုက်ရတာ ။ မှုံငယ်ငယ်က သူ့လာစတဲ့လူကို စွာဖို့ မပြောနဲ့ ၊ ကစားကွင်းမှာ တခြားကလေးအနားတောင် မကပ်ရဲအောင်ကြောက်တတ်တဲ့လူက မောင်လေးကို လာထိမဲ့သူကိုတော့ တတ်သလောက် မှတ်သလောက်နဲ့ ရဲရဲရင့်ရင့် ပြန်စွာသားလို့ သဘောလဲ ကျမိတယ်။ )
မနှစ်က N2 တုံးက နှစ်လည်ပိတ်ကာနီး parent-teacher meeting မှာတခါ ၊ ခုနှစ် K1 မှာတခါ .. အတန်းပိုင်တွေက ပြောကြတာ ..မှုံက ..သိပ်လိမ္မာတယ်...ပြောစကား နားထောင်တယ်.. အရမ်းအေးတယ် ( ယုံရက်စရာတကွက်မှ မရှိ.. အိမ်မှာ မျောက်ရှုံးသလောက်) ၊ ဒါပေမဲ့ ဘာသာစကားအခက်အခဲ နည်းနည်းရှိတယ်.လို့ချည်းပြောတယ်။ ကိုယ်တွေကလဲ အတန်းတိုင်းမှာ ကျောင်းစအပ်ကတည်းက ကလေးက အီးလို သိပ်မပြောတတ်ဘူး..ဆိုတာ ကြိုပြောထားတယ်။ အိမ်မှာလဲ မြန်မာလိုပဲ ပြောတယ်လို့ .. ။ အဲဒါဆရာမတွေက မိဘ တယောက်က မြန်မာလိုပြော၊ တယောက်က အီးလိုကျင့်ပြောပြီး ကျင့်ကြည့်ဖို့ အကြံပေးတယ်။ မှုံ့ကိုသိပ်ချစ်တဲ့ ကုလားဆရာမက သပ်သပ်ထပ်ပြောတယ်.. သူ့သမီးကို အဲလိုကျင့်ပေးတာ မိခင်ဘာသာစကားလဲ မမေ့ပါဘူးတဲ့။ မည်သို့ပင် အကြံပေးကြစေကာမူ ခေါင်းမာတဲ့ကိုယ်တွေကလဲ ကလေးကို၂ ယောက်လုံး မြန်မာလိုချည်းပြောတာပဲ :D .. ။ မိဘ ၂ ပါးလုံးတွေးတာက ကလေးက ဒီမှာ ကျောင်းရလို့ ကျောင်းတက်ရမယ်ဆိုရင် အီးလိုက အနှေးနဲ့အမြန် ..မတတ်ချင်လဲ တတ်မှာပဲ ။ မြန်မာလိုကတော့ ပြောမဲ့သူနည်းတော့ မေ့သွားမှာကိုစိုးတာ..။ ကျောင်းမှာ အသုံးများမဲ့ စကားလေး ၄-၅-၆ လုံးသာ သမီးကို အီးလိုသင်ပေးထားတာ ..။
သမီးခမျာ ကျောင်းစတက်တော့ ဘာသာစကားအခက်အခဲကို အလူးအလိမ့်ခံနေရတာသိပေမဲ့ စိတ်မကောင်းပေမဲ့ ..ဒီတိုင်းပဲ ထားထားတာ ။ ကလေးကို မြန်မာလိုမပြောတတ်မှာစိုးတာကလဲ နတ်တလင်းပြန်ရင် ဆွေတွေ မျိုးတွေနဲ့ ပြောဆိုဆက်သွယ်လို့ မရမှာစိုးတာကြောင့်ပါပဲ ။ နောက်ပြီး သမီးကလဲ မြန်မာလိုကိုပဲ ပိုအားသန်တယ်။ မြန်မာကာတွန်း ၊ မြန်မာပုံပြင်တွေပဲ ဖတ်ပြခိုင်းတယ်။ အင်္ဂလိပ်ကာတွန်းနဲ့ ပုံပြင်တွေလဲ အီးလို ဖတ်ပြလို့မကြိုက်ဘူး.. မြန်မာလိုပဲ ဘာသာပြန် ဖတ်ပြရတယ်။ ပြီးခဲ့တဲ့ June ကျောင်းပိတ်ရက်မှာ ကျောင်းက ပေးလိုက်တဲ့ ပုံပြင်စာအုပ်အပါးလေးဖတ်ပြရမလားဆိုတော့ သူက အထဲက ဇာတ်လမ်းတွေ ကို မြန်မာလိုပြောပြနေတော့ အံ့သြရသေးတယ်။ ကျောင်းမှာ တီချယ် ထရီဇာ ဖတ်ပြတာတဲ့ ။ ဒါဆို အီးလိုဖတ်ပြတာ သူနားလည်စ ပြုလာပြီဆို ဝမ်းသာရသေးတယ်။
( သမီးက ၃ နှစ်ပြည့်ပြီးကတည်းကNursery 1မှာ တနေ့ ၂ နာရီ၊ Nursery 2 မှာ တနေ့ ၃ နာရီ ၊ အခု Kindergarten 1 မှာတနေ့ ၄ နာရီ အင်္ဂလိပ်လိုပြောရတဲ့ မူကြိုကျောင်းတက်နေခဲ့တာ) ။
** သမီးလေးဘိုလို နည်းနည်းစ မှုတ်လာပြီဆိုတာ မှတ်တမ်းတင်ထားတာ ။